បង្ករការភ្ញាក់ផ្អើលយ៉ាងខ្លាំងពេលឃើញទារកកើតមកភ្ជាប់ជាមួយរបស់ចម្លែកម្យ៉ាង......
លោក គង់ ថាន និយាយថា ក្រោយពេលកូនរបស់ខ្ញុំ កើតមកមិនថាតែខ្ញុំនិងប្រពន្ធរបស់ខ្ញុំទេ ដែលមានការភ្ញាក់ផ្អើល សូម្បីតែគ្រូពេទ្យធ្វើការនៅទីនោះម្នាក់ៗសុទ្ធតែមានការភ្ញាក់ផ្អើល សូម្បីតែគ្រូពេទ្យធ្វើការនៅទីនោះម្នាក់ៗសុទ្ធតែមានការភ្ញាក់ផ្អើល ហើយនិយាយថា តាំងពីពួកគាត់ធ្វើគ្រូពេទ្យពុំដែលឃើញទារកណាកើតមកមានចំណងអំបោះពិតៗជាប់មកជាមួយដូចទារកដែលជាកូនខ្ញុំទើបនឹងកើតនេះទេ កូនប្រុសខ្ញុំនេះមើលទៅចំណងចងដៃជើងនេះ ចងជាប់ខ្លាំងណាស់ មានស្នាមកប់កដៃកជើង ពិសេសចងស្ទើរដាច់ម្រាមជើង រហូតពិការរម្រាមមួយចំនួនទៀតផង។
ចំណែកអ្នកស្រី អ៊ុក សុភាព អាយុ៣៨ឆ្នាំ ត្រូវជាម្ដាយទារកមានអំបោះចងជាប់ជើង និងដៃនោះបានរៀបរាប់ថា មុនពេលកូនប្រុសរបស់ខ្ញុំម្នាក់នេះមកចាប់កំណើត គឺមានយប់មួយនាពាក្យកណ្ដាលអាធ្រាត្រ ខណៈពេលដែលខ្ញុំកំពុងតែលង់លក់ក្នុងដំណេក ស្រាប់តែខ្ញុំបានយល់សប្ដិឃើញជនជាតិបារាំងម្នាក់ជាមនុស្សប្រុសមានមាឌធំខ្ពស់និយាយភាសាខ្មែរមកកាន់ខ្ញុំថា នែ! នាងយើងឲ្យកងដៃកងជើងនាងមួយគូ។ ពេលដែលបារាំងនោះបានហុចកងដៃជើងឲ្យខ្ញុំ ខណៈនោះខ្ញុំឃើញកងគូនោះល្អណាស់រំលេចទៅដោយពណ៌មាសចាំងផ្លេកៗ ខ្ញុំក៏ទទួលយកមកពាក់កជើងនិងកដៃរបស់ខ្ញុំភ្លាម។
ប៉ុន្ដែរំពេចនោះក្រោយពេលដែលខ្ញុំយកកងពាក់កជើង និងកដៃ ស្រាប់តែកងបានក្លាយទៅជាខ្សែអំបោះធម្មតា តែស្វិតណាស់ទោះខ្ញុំខំប្រឹងទាញផ្ដាច់ក៏មិនដាច់ដែរ យកកាំបិតមកកាត់ក៏មិនដាច់ ហើយខណៈពេលដែលខ្ញុំកំពុងតែទាញផ្ដាច់ខ្សែអំបោះនោះ ក៏ស្រាប់តែលេចគ្រូមន្ដអាគមម្នាក់សក់ក្បាលកន្ទ្រីងកន្ទ្រើងមានពាក្យខ្សែគាថារណេងរណោងមកគំហកដាក់ខ្ញុំថា ម៉េចក៏នាងឯងផ្ដាច់ខ្សែអំបោះនេះចោល មិនបាច់ប្រឹងទេ ទោះខំយ៉ាងណាក៏មិនដាច់ដែរ ព្រោះខ្សែអំបោះនេះគេចងដៃកូនរបស់នាងទុកជារបស់ការពារ។
អ្នកស្រី អ៊ុក សុភាព បាននិយាយបន្ដថា តាំងពីបានយល់សប្ដិឃើញបែបនោះមក ខ្ញុំក៏ចាប់ផ្ដើមមានទម្ងន់កូននេះទៅ ប៉ុន្ដែរូបខ្ញុំក៏មិនបានគិតថា ជួបរឿងប្រផ្នូលដូចនេះឡើយ។ ប៉ុន្ដែនៅក្នុងរយៈពេលដែលខ្ញុំពរពោះកូននោះ គឺខ្ញុំមិនដែលបានទៅថតអេកូនោះទេ ព្រោះគ្មានប្រាក់ ឬក៏ទៅមណ្ឌលសុខភាពដើម្បីពិនិត្យផ្ទៃពោះក៏មិនដែលដែរ ព្រោះម្យ៉ាងនៅចន្លោះពេលពពោះនោះខ្ញុំមិនដែលកើតមានអ្វីប្លែកដែរ។ រហូតមកដល់ពេលឈឺពោះនៅនឹងផ្ទះ ប្ដីរបស់ខ្ញុំក៏បញ្ជូនខ្ញុំទៅសម្រាលកូននៅមន្ទីរពេទ្យបង្អែកខេត្តស្វាយរៀង។ ខ្ញុំទៅសម្រាកទីនោះបានមួយយប់មួយថ្ងៃ ទើបកូននោះកើតមកធ្វើឲ្យភ្ញាក់ផ្អើលពេញមន្ទីរពេទ្យពេលឃើញកូនរបស់ខ្ញុំមានសុទ្ធតែខ្សែអំបោះចងជាប់ដៃជាប់ជើង ដូចគេរុំរបស់អ្វីមួយអញ្ចឹង។
ទាក់ទិនទៅនឹងរឿងចម្លែកបែបនេះ អ្នកគ្រូពេទ្យម្នាក់នៅមន្ទីរពេទ្យនោះបានសម្ដែងនូវការងឿងឆ្ងល់យ៉ាងខ្លាំង ដោយនិយាយថា គាត់មិនដែលឃើញទារកឯណាកើតមកមានអំបោះជាប់ដៃជាប់ជើងដូចទារកម្នាក់នោះទេ។ អ្នកគ្រូពេទ្យរូបនោះបានលើកឡើងថា ធម្មតាការបង្កកំណើតគឺជាវត្ថុរាវ ប៉ុន្ដែតើហេតុអ្វីបានជាក្លាយទៅជាមានអំបោះជាប់ដៃជើងតាំងពីនៅក្នុងពោះទៅវិញ?។
ចំពោះរឿងរ៉ាវចម្លែកនេះបើតាមអ្នកមានជំនឿ លើមន្ដអាគមបាននិយាយថា ទារកនេះកាលនៅជាមនុស្សពីជាតិមុនត្រូវបានគេចងធ្វើទារុណកម្មដោយចងដៃជើងនឹងខ្សែអំបោះពីសំណាក់គ្រូសិល្ប៍ដ៏ខ្លាំងណាមួយហើយ ទើបកើតមកមានខ្សែអំបោះជាប់មកជាមួយដូចនេះ។ ប៉ុន្ដែទោះបីជាកូនកើតមកមានជាប់ចំណងដៃជើងមកជាមួយ ដែលជាអព្ហូតហេតុចម្លែកបែបនេះក៏ដោយ ក៏ឪពុកម្ដាយទារកចម្លែកនេះមិនទាន់កើតហេតុភេទចម្លែកៗធ្វើឲ្យគាត់កត់សម្គាល់ទេ ៕
Post a Comment