ភ្ញាក់ផ្អើល!ពេលដឹងថាប្រទេសរបស់យើងមាន! មានទោសប្រហារជីវិតដោយកាត់ក្បាលតំាងពីសម័យបាយ័ន
ចម្លាក់ប្រាសាទបន្ទាយឆ្មារ ស្ថិតនៅក្នុងខេត្តបន្ទាយមានជ័យបច្ចុប្បន្ន ក្នុងចំណោមចម្លាក់ដែលចាប់អារម្មណ៍ជាងគេ ក្រៅពីការលាតត្រដាងស្តីពីចម្បាំងរវាងកងទ័ពខ្មែរ និងចាម គឺមានការពណ៌នាឲ្យដឹងថា មេទ័ពខ្មែរណាដែលក្បត់ក្នុងអំឡុងសង្គ្រាមជាមួយទ័ពចាម ពួកគេនឹងត្រូវទទួលទោសប្រហារជីវិត ដោយកាត់ក្បាលថ្វាយព្រះមហាក្សត្រ។
ចម្លាក់ប្រាសាទបន្ទាយឆ្មារ (ម.ត ១៩៩៣)
គួររំលឹកថា ប្រាសាទបន្ទាយឆ្មារ ត្រូវបានកសាងឡើងដោយព្រះបាទជ័យវរ្ម័នទី ៧ ដើម្បីឧទ្ទិសចំពោះវិញ្ញាក្ខន្ធនៃព្រះអង្គម្ចាស់ស្រិន្ទះកុមារ ព្រមទាំងអ្នករួមអាវុធរបស់ព្រះអង្គទាំង៤នាក់។ ព្រះអង្គម្ចាស់ស្រិន្ទះកុមារ ជាព្រះរាជបុត្ររបស់ព្រះបាទជ័យវរ្ម័នទី៧ និងមេទ័ពរួមអាវុធបានស្លាប់បាត់បង់ជីវិតនៅលើសមរភូមិប្រយុទ្ធ ក្នុងការធ្វើសឹកសង្គ្រាម ដើម្បីទប់ទល់នឹងការឈ្លានពានពីសំណាក់សត្រូវរាល់ការចុះចូល ឬឃប់ឃិតជាមួយសត្រូវ ត្រូវទទួលទោសប្រហារជីវិត ដែលជាបទបញ្ញាត្តិរបស់ព្រះបាទជ័យវរ្ម័នទី ។
ដូច្នេះចម្លាក់ខាងលើនេះ គឺជាក្បាលរបស់ទ័ពខ្មែរ ពោលគឺពុំមែនជាក្បាលរបស់ឈ្លើយសឹកចាមឡើយ។ សូមរំលឹកផងដែរថា ទារុណកម្មខាងលើនេះត្រូវបានបន្តរហូតដល់សម័យក្រោយ៕ (ម.ត្រាណេ)
Post a Comment