ឆ្មក់បង្ក្រាបនារីវ័យក្មេងសាច់សខ្ចីជួញដូរផ្លូវភេទ ជ្រកក្រោមស្លាកម៉ាស្សា
មន្ទីរប្រឆាំងការជួញដូរមនុស្ស និងការពារអនីតិជន នៃស្នងការរាជធានីភ្នំពេញ បានចុះប្រតិបត្តិការបង្ក្រាបទីតាំងរកស៊ីជួញដូរផ្លូវភេទ ដែលជ្រកក្រោមស្លាកយីហោម៉ាស្សាមួយកន្លែង ឃាត់ខ្លួនបាននារីរងគ្រោះចំនួន៦នាក់ និងមេការប្រុសស្រី២នាក់ កាលពីវេលាម៉ោង០៦និង៣០នាទីព្រលប់ ថ្ងៃទី២៦ ខែតុលា ឆ្នាំ២០១៧ នៅហាងម៉ាស្សាកោសជប់មួយកន្លែងយីហោ មហាលាភ ផ្ទះលេខ២៣ ភូមិ១ ក្រុម១ ផ្លូវ៤៣០ សង្កាត់ទំនប់ទឹក ខណ្ឌចំការមន ។
ប្រតិបត្តិការឆ្មក់ចូលបង្ក្រាបផ្ទះជួញដូរផ្លូវភេទជ្រុកក្រោមស្លាកម៉ាស្សាកោសជប់នេះ ឃាត់ខ្លួនស្ត្រីរងគ្រោះ៦នាក់ និងមេការ២នាក់ ។ ដកហូតបានស្រោមអនាម័យប្រើប្រាស់រួចមួយចំនួន និងមិនទាន់ប្រើប្រាស់មួយចំនួន លុយចំនួន៧០០ដុល្លារ ទូរស័ព្ទមួយចំនួនព្រមទាំងម៉ូតូចំនួន៣គ្រឿង ។
មុននឹងឈានទៅដល់ការចុះបង្ក្រាបទីតាំងខាងលើ កម្លាំងការិល័យប្រឆាំងការជួញដូរមនុស្ស និងការពារអនីតិជន នៃស្នងការរាជធានីភ្នំពេញ ដឹកនាំដោយ លោកវរសនីយ៍ឯក ចាន់ គត្តិខុម ស្នងការរងក្រុងភ្នំពេញ និងមានការអនុញ្ញាតពីលោក គុជ គឹមឡុង ព្រះរាជអជ្ញាអមសាលាដំបូងរាជធានីភ្នំពេញ ព្រមទាំងមានការសម្របសម្រួលពីលោក អោក លឹមចាន់ទីណា ក្រឡាបញ្ជី បានសហការជាមួយនិងអាជ្ញាធរមូលដ្ឋាន បានចុះឆែកឆេរផ្ទះម៉ាស្សាយីហោ មហាលាភ ដែលស្ថិតនៅផ្លូវ៤៣០ សង្កាត់ទំនប់ទឹក ខណ្ឌចំការមន បានឃាត់ខ្លួនមនុស្សចំនួន៨នាក់ ក្នុងនោះមានមេការប្រុសស្រីចំនួន២នាក់ ព្រមទាំងនារីរងគ្រោះចំនួន៦នាក់ និងដកហូតស្រោមអនាម័យ ដែលប្រើប្រាស់ហើយមួយចំនួន និងមិនទាន់ប្រើប្រាស់មួយចំនួន ម៉ូតូបីគ្រឿង និងលុយចំនួន៧០០ដុល្លារ ។
បន្ទាប់ពីឃាត់ខ្លួនបានរួចហើយ ស្ត្រីរងគ្រោះ ព្រមទាំងមេការ ប្រុសស្រី និងវត្ថុតាំងមួយចំនួន ត្រូវបានសមត្ថកិច្ចឃាត់ខ្លួនយកទៅសាកសួរនៅការិយាល័យប្រឆាំងការជួញដូរមនុស្ស និងការពារអនីតិជន នៃស្នងការរាជធានីភ្នំពេញ ។ ចំណែកផ្ទះម៉ាស្សាខាងលើ ត្រូវបានសមត្ថកិច្ចបិទទ្វារជាបណ្តោះអាសន្នសិន ៕
Post a Comment