កសិករចំណាស់ម្នាក់ បានរកឃើញដាវសម័យបុរាណមួយនេះស្ថិតក្នុងរជ្ជកាលខ្សែរាជវង្សQing (១៦៤៤-១៩១២)
មន្ត្រីរដ្ឋាភិបាលចិននៅតំបន់ Chengkou ខេត្ត Chongqing បានរកឃើញដាវបុព្វបុរសពីសម័យបុរាណ នៅកសិករចំណាស់ម្នាក់ ដែលគាត់បានប្រើជាកាំបិតក្នុងផ្ទះបាយអស់ជាច្រើនឆ្នាំ។
កសិករវ័យ៦០ឆ្នាំ គឺលោកតា Yi Shouxiang បានរកឃើញដាវនោះកាលពី៥ឆ្នាំមុននៅពេលដែលគាត់ជីកដីស្រែ។ លោកតាមិនបានដឹងថានេះជាដាវបុព្វបុរសនោះទេក៏យកវាទៅសំលៀងប្រើជាកាំបិតហាន់បន្លែក្នុងផ្ទះបាយ។
យោងតាមសារព័ត៌មានPeople's Daily បានឲ្យដឹងថា ដាវសម័យបុរាណមួយនេះស្ថិតក្នុងរជ្ជកាលខ្សែរាជវង្សQing (១៦៤៤-១៩១២) គឺមានអក្សរតំណាងបី "Qing Long Jian" ដែលមានន័យថាដាវនាគខៀវ។ ដោយឡែកដងរបស់ដាវគឺពុំឃើញមានជាប់មកជាមួយនោះទេ។
ដាវមួយនេះត្រូវបានមន្ត្រីរដ្ឋាភិបាលចិន រកឃើញនៅក្នុងភូមិដែលលោកតាកសិករ Yi រស់នៅ ខណៈពេលចុះមកស្វែងរកវត្ថុបុរាណមកដាក់តាំងពិព័រណ៍។ មន្រ្តីរដ្ឋាភិបាលនឹងទាក់ទងឲ្យអ្នកជំនាញមកពិនិត្យនិងវាយតម្លៃដាវបុរាណមួយនេះ៕
Post a Comment