ក្តៅៗ! រាជរដ្ឋាភិបាលសម្រេចទិញស្ពានកោះកុង របស់ក្រុមហ៊ុន លី យ៉ុងផាត់

សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានសរសេរលើបណ្តាសង្គមហ្វេសប៊ុកនៅថ្ងៃទី១ វិច្ឆិកា នេះថា ៖

ដើម្បីសម្រួលដល់បងប្អូនប្រជាពលរដ្ឋដែលធ្វើដំណើរនិយាយជារួម និងនិយាយដោយឡែក បងប្អូនប្រជាពលរដ្ឋនៅខេត្តកោះកុង ក្នុងនាមរាជរដ្ឋាភិបាលខ្ញុំព្រះករុណាខ្ញុំបានសម្រេចទិញយក ត្រឡប់មកវិញ ស្ពានឆ្លងកាត់ដៃសមុទ្រខេត្តកោះកុងទៅប្រទេសថៃដែលវិនិយោគដោយក្រុមហ៊ុន លី យ៉ុងផាត់ ដើម្បីឲបងប្អូនប្រជាពលរដ្ឋធ្វើដំណើរឆ្លងកាត់ដោយពុំចាំបាច់បង់ថ្លៃ ចាប់ពី ម៉ោង ០០:០០ នាទី ថ្ងៃទី ០២ ខែ វិច្ឆិកា ឆ្នាំ ២០១៧ ដើម្បីអបអរព្រះរាជពិធីបុណ្យ អុំទូក បណ្តែតប្រទីប និងសំពះព្រះខែ អកអុំបុក ។

ចំពោះកិច្ចការដែលនៅសេសសល់ សូមឲក្រសួងសាធារណការ និងដឹកជញ្ជូន ក្រសួង សេដ្ធកិច្ច និងហិរញ្ញវត្ថុ និងសាលាខេត្តកោះកុង ពិភាក្សាជាមួយក្រុមហ៊ុន លី យ៉ុងផាត់ ដោះស្រាយនៅពេលក្រោយ ។
ខ្ញុំព្រះករុណាខ្ញុំសង្ឃឹមថា បងប្អូនប្រជាពលរដ្ឋនឹងទទួលបានផលប្រយោជន៏ពីការ សម្រេចនេះ ៕

អត្តបទពត៏មានថ្មី

តើសាលាមួយនេះមានអ្វីអស្ចារ្យទៅ? មិនតិចជាង ៣០ក្រុមទេដែលមកពីប្រទេសថៃ ដើម្បីសិក្សាពីសាលាបឋមសិក្សាវត្តបូព៌ ក្នុងខេត្តសៀមរាប (មានវីដេអូដែលថៃជាអ្នកថត)

យ៉ាងហោចណាស់ក្នុងមួយឆ្នាំ មានប្រតិភូផ្នែកសិក្សាធិការរបស់ថៃចន្លោះពី ២០ ទៅ ៣០ក្រុម បានមកធ្វើទស្សនៈកិច្ចស្វែងយល់ពីសាលាបឋមសិក្សាវត្តបូព៌ (Wat Bo Primary School) ។ នេះជាការឲ្យដឹងរបស់លោក ពឹង គិមឆេន នាយកសាលាបឋមសិក្សាវត្តបូព៌។ ក្នុងនោះផងដែរលោកបានបន្ថែមទៀតថា ថៃជាប្រទេសដែលមានការរីកចម្រើនជាងកម្ពុជា ក៏ប៉ុន្ដែគេបានបញ្ជូនក្រុមគ្រូបង្រៀនមកស្វែងយល់ពីវិស័យអប់រំនៅកម្ពុជា ដោយយោងទៅលើកត្តាសំខាន់ចំនួន៣៖

ទី១ គេចង់យល់ស៊ីជម្រៅពីប្រព័ន្ធអប់រំរបស់កម្ពុជា
ទី២ គេមកធ្វើទស្សនកិច្ចនៅសាលាបឋមសិក្សាវត្តបូព៌ ព្រោះគេតែងល្បីថាសាលានេះមានកម្រិតល្អថ្នាក់ជាតិ
ទី៣ គេមកស្វែងយល់ពីការរៀបចំហេដ្ឋារចនាសម្ព័ន្ធរបស់សាលាផ្ទាល់តែម្ដង។

នាយកសាលារូបនេះឲ្យដឹងថា «បើនិយាយពីហេដ្ឋារចនាសម្ព័ន្ធខាងយើងមានត្រឹមតែ២០ទេ ប៉ុន្តែគេមានរហូតដល់ទៅ១០០។ ចុះហេតុអ្វីបានជាគេ ១០០ បែរជាមកមើល ២០? គេគិតថា គេមាន ១០០មែន តែគេចំណាយច្រើនណាស់អាចដល់ ១០០ម៉ឺន ឯយើងមាន ២០មែន តែចំណាយអស់ត្រឹមតែ ១ម៉ឺនប៉ុណ្ណោះ។ ចុះបើយើងមានដល់ ១០០ម៉ឺនដូចគេវិញ តើយើងនឹងដើរទៅមុខលឿនយ៉ាងណា?»។

លោកបន្ថែមថា មួយវិញទៀតខាងថៃគេកំពុងស្វែងយល់ពីរបៀបដំណើរការរបស់សាលារៀនដែលមានការចូលរួមច្រើនមានទាំងរាជរដ្ឋាភិបាល ក្រសួងអប់រំ និងការជួយជ្រោមជ្រែងពីសហគមន៍ផង ខណៈដែលប្រទេសថៃ ភាគច្រើន គឺរដ្ឋជាអ្នកទទួលបន្ទុកទាំងស្រុងទៅលើវិស័យអប់រំនោះ។ ដូច្នេះទើបគេបារម្ភថា វិស័យអប់រំរបស់គេអាចនឹងមានបញ្ហា ប្រសិនបើគេជួបនឹងវិបត្តិសេដ្ឋកិច្ចនោះ។

គួរបញ្ជាក់ថា សាលាបឋមសិក្សាវត្តបូព៌ មានទីតាំងស្ថិតនៅភូមិវត្តបូព៌ សង្កាត់សាលាកំរើក ក្រុងសៀមរាប ខេត្តសៀមរាប។ សាលានេះត្រូវបាន ចាត់ទុកជាសាលាដែលមានសណ្ដាប់ធ្នាប់ និងវិន័យល្អជាងគេមួយក្នុងក្របខ័ណ្ឌទូទាំងប្រទេសកម្ពុជា។ ក្នុងមួយឆ្នាំៗមានគណៈប្រតិភូទាំងអង្គការ និងផ្នែកសិក្សាធិការមកពីបណ្ដាប្រទេសនានា បានធ្វើទស្សនកិច្ចនៅសាលានេះមិនតិចក្រុមនោះឡើយ។ នេះបើតាមការឲ្យដឹងរបស់លោកនាយក ពឹង គិមឆេន៕