Hot News សេចក្តីអំពាវនាវសំរាប់ប្អូនដែលមានគម្រោងទៅកំសាន្តតំបន់ផ្សេងៗ....
ក្រោយពីមានភ្លៀងធ្លាក់ជាប់ៗគ្នាជាច្រើនថ្ងៃមកនេះ បណ្ដាលឱ្យមានជំនន់ទឹកភ្លៀងស្ទើរគ្រប់កន្លែង ទាំងអស់នៅប្រទេសកម្ពុជា ខណៈដែលកម្ពស់ទឹកនៅតាមអាងស្ដុបទឹកនានាក៏មានកម្ពស់ខ្ពស់ខុសពីធម្មតាផងដែរ។
ដូច្នេះហើយ បានជាក្រសួងធនធានទឹកបានចេញសេចក្ដីប្រកាសឱ្យប្រជាពលរដ្ឋទាំងអស់ សូមផ្អាកការធ្វើដំណើរទៅកម្សាន្តតាមកន្លែងលេងទឹកនានា សិនទៅ ព្រោះថាវាអាចបង្កឱ្យមានគ្រោះថ្នាក់បាន។ ដូចដែលបានកើតឡើងនាពេលកន្លងមកនេះ នៅតាមបណ្ដាទឹកជ្រោះ ឬទឹកធ្លាក់នានា។
តួយ៉ាងដូចហេតុកាណ៍ដ៏រន្ធត់មួយបានកើតឡើងដោយរថយន្ត ០១ គ្រឿង និងម៉ូតូចំនួន ០២ គ្រឿង ត្រូវបានទឹកហូរវាយប៉ើងធ្លាក់តាមទឹកទៅផ្នែកខាងក្រោមទំនប់ព្រែកថ្លុង ស្ថិតក្នុងឃុំស្នួល ស្រុកស្នួល ខេត្តក្រចេះ ខណៈធ្វើដំណើរឆ្លងកាត់សំណង់បង្ហៀរដែលទឹកកំពុងហូរបុកខ្លាំង នាល្ងាចថ្ងៃទី ០២ ខែតុលា ឆ្នាំ ២០១៧ ។ ហេតុការណ៍ដ៏រន្ធត់ខាងលើនេះ មិនបានបង្កឱ្យគ្រោះថ្នាក់ដល់ជីវិតមនុស្សនោះទេ ប៉ុន្តែរថយន្តចំនួន ០១ គ្រឿង និងម៉ូតូ ចំនួន ០២ គ្រឿង ត្រូវបានរងការខូចខាតយ៉ាងដំណំ៕
Post a Comment