ពីជីវិតសិល្ប: និង ជីវិតក្លាយជាជំទាវ ម៉ៅ សុចំណាន ដែលមហាជនទទួលស្គាល់ថាជាជោគជ័យក្នុងជីវិត

ឆាកជីវិតមនុស្សយើងម្នាក់ៗ ពិតជាពុំអាចវាយតម្លៃអំពីជោគជតារបស់ខ្លួនបានឡើយអំពីបច្ចុប្បន្ន និង អនាគត ដូចជាអ្នកខ្លះជីវិតបច្ចុប្បន្នមិនប្រសើរតែអនាគតបែរជារុងរឿងលើសពីការស្មាន។ រីឯអ្នកខ្លះបច្ចុប្បន្នរុងរឿងបែរទៅអនាគតធ្លាក់ចុះស្ទើមិនគួរឲ្យជឿក៏មាន។ ហើយស្ថានភាពបែបនេះមិនថាតែនៅស្រុកខ្មែរ គឺមនុស្សនៅលើពិភពលោកទាំងមូលរួមទាំងជីវិតមហាសេដ្ឋី ឬមេដឹកនាំធំៗ ក៏ដូចនឹងការ លើកឡើងខាងលើដែរ។

ដោយឡែកដូចជា ជំទាវ ម៉ៅ សុចំណាន ដែលប្រជាជនខ្មែរស្ទើរពេញប្រទេសបានស្គាល់ លោកជំទាវ ថាកាលពីជិត ២០ឆ្នាំមុននោះ វណ្ណ:នៅអាជីព ។ជាតារាសិល្ប:ដែលមានរូបរាងស្រស់ស្អាត និងមានកេរ្តិ៏ឈ្មោះល្បីល្បាញ នៅក្នុងការសម្តែងខ្សែភាពយន្ត ជាមួយនឹងជីវភាពសាមញ្ញម្នាក់ដូចតារាសិល្ប:ការិនីខ្មែរដទៃទៀតតែប៉ុណ្ណោះ។ ប៉ុន្តែ មកដល់បច្ចុប្បន្ននេះ ជំទាវម៉ៅ សុចំណាន មិនមែនជាតារាដែលគេរាប់ស្គាល់ឈ្មោះថា ” ស្រីតូចចំណាន ” ដូចពីមុនធម្មតាៗ ទៀតនោះទេ។ ពោលគឺ ជាលោកជំទាវនៃភរិយារបស់កំពូលមហាសេដ្ឋីលំដាប់ជួរមុខដ៏ល្បីល្បាញនៅក្នុងស្រុកខ្មែរនោះគឺ ភរិយារបស់អ្នកឧកញ៉ា គិត ម៉េង ជាអ្នកជំនួញដ៏មានឥទ្ធិពលបំផុតនៅប្រទេសកម្ពុជា។

គេអាចចាត់ទុកថា ជំទាវ ម៉ៅ សុចំណាន គឺជាអតីតសិល្ប:ការិនីខ្មែរមួយរូប មានវាសនាខ្ពស់មួយក្នុងចំណោមជំទាវៗមួយចំនួននៅលើពិភពលោកជាភរិយារបស់មហាសេដ្ឋី-ថ្នាក់ដឹកនាំកំពូលៗមួយចំនួនដែលសុទ្ធតែមានប្រភពចេញមកពីអាជីពអតីតសិល្ប:ការិនី ក្នុងនោះរួមមាន ជំទាវជាភរិយារបស់លោក ស៊ី ជីនពីន ប្រធានាធិបតីប្រទេសចិន លោកជំទាវភរិយា លោកហូឡង់ ប្រធានាធិបតីបារាំងនិង លោកជំទាវរបស់លោក ដូណាល់ត្រាំ ប្រធានាធិបតីប្រទេសអាមេរិក ជាដើម ព្រមទាំងជាភរិយារបស់មហាសេដ្ឋីជាច្រើនទៀត។

បច្ចុប្បន្ននេះ ថ្វីដ្បិតតែលោកជំទាវ ម៉ៅ សុចំណាន ដែលមានបុត្រដល់ទៅ ៥នាក់រួចមកហើយជាភរិយាស្របច្បាប់ជាមួយស្វាមីជាមហាសេដ្ឋី អ្នកឧកញ៉ា គិត ម៉េង ដែលបានរៀបអាពាហ៏ពិពាហ៏យ៉ាងអធឹកអធមដោយមានការចូលរួមលើកកិត្តិយសដោយថ្នាក់ដឹកនាំកំពូលៗរបស់កម្ពុជា ប៉ុន្តែជំទាវដែលមានដើមកំណើតពីតារាសិល្ប:រូបនេះពុំសូវចេញមុខក្នុងកម្មវិធីសាធារណ:ដូចស្វាមីនោះទេ។

តែយ៉ាងណាក៏ដោយ គេឃើញរូបភាពជំទាវ ម៉ៅ សុចំណាននៅលើហ្វេសប៊ុករបស់ខ្លួនមានឈ្មោះថា អង្គភាពពន្ធដា ច្រើនជាងនៅខាងក្រៅ។ ក្នុងនោះរូបភាពច្រើនបង្ហាញពីការលេងម៉ូដសំលៀកបំពាក់ ការដើរកំសាន្តជួបជុំគ្រូសារនៅបរទេស និងពិធីមង្គលមិត្តភ័ក្តិនានាម្តងម្កាល ដែលរូបភាពបែបនេះធ្វើឲ្យអ្នកលេងបណ្តាញសង្គមហ្វេសប៊ុកកោតសរសើរពីជោគជតាសំណាង និងការមានសុភមង្គលរបស់ជំទាវវ័យក្មេងរូបនេះ ។ គេនៅចាំបានថា នៅមុនការចេញមុខតាមបណ្តាញសង្គមហេ្វសប៊ុក និងមុនពិធីរៀបការកាលពីប៉ុន្មានឆ្នាំមុននោះ គឺអតីតតារាសិល្ប:រូបនេះបានបាត់មុខពីសិល្ប:យ៉ាងស្ងប់ស្ងាត់ប្រមាណជាជិត ១០ឆ្នាំ។

ប៉ុន្តែមុនពេលរៀបការគេឃើញរូបអតីតតារារូបនេះបង្ហោះរូបខ្លួន ជាមួយកូនៗ និងមានអ្នកឧកញ៉ា គិត ម៉េង មហាសេដ្ឋីលំដាប់កំពូលបង្ហាញឲ្យឃើញក្នុងលក្ខណ:ជាគ្រួសារ ស្វាមីភរិយា ដ៏សុខសាន្ត ធ្វើឲ្យក្រុមមនុស្សជាច្រើនភ្ញាក់ផ្អើល។ ការបាត់មុខពីសិល្ប:នោះ អតីតតារារូបនេះក៏ពុំបានប្រកាសពីការឈប់ក្នុងអាជីពជាសិល្ប:ជាផ្លូវការនោះដែរ។ ហើយការឈប់ដើម្បីសម្ងំរស់នៅក្នុងជីវិតជាស្រី្តមានគ្រួសារនេះ គេក៏ពុំដឹងអំពីប្រវត្តិស្នេហានោះដែរ។

គេគ្រាន់តែអាចនៅចាំបានថា កាលពីអតីតតារាសិល្បការិនីស្រី តូចចំណាននៅក្នុងអាជីពសិល្ប: គឺពុំដែលលេចឮរឿងរ៉ាវមិនល្អទាក់ទងស្នេហា ដែលជាពាក្យចចាមអារាមជាទំលាប់នៃអ្នកសិល្ប:ទូទៅតែងតែកើតឡើងនៅពិត ឬមិនពិតនោះទេ។

យោងទៅតាមបទសម្ភាសន៏មួយ ដែលឆ្លើយប្រាប់ទស្សនាវដ្តីក្នុងស្រុកមួយកាលពីជំទាវរូបនេះនៅក្នុងការសម្តែងសិល្ប:បានមួយឆ្នាំដំបូងបានឲ្យដឹងថា ឈ្មោះពិតរបស់ជំទាវរូបនេះ គឺ ម៉ៅ សុចំណាន ហើយឈ្មោះក្នុងពិភពសិល្ប:គឺ ស្រី តូចចំណាន ។ ចូលសម្តែងសិល្ប:ដំបូង កាលពីអាយុ ១៧ឆ្នាំ ដែលមានស្រុកកំណើតនៅទីក្រុងភ្នំពេញ។ ឪពុកឈ្មោះ ម៉ៅ ទីជាបុគ្គលិករាជការ ឯម្តាយឈ្មោះ គង់ សោម៉ា ជាមេផ្ទះហើយមានកូនបងប្អូនចំនួន ៤នាក់ប្រុស២នាក់ ស្រី២នាក់ លោកជំទាវជាកូនទី៣ ក្នុងគ្រួសារ។

តាំងពីក្មេងម្ល៉េះជំទាវម៉ៅ សុចំណានមានបំណងចង់ចូលសិល្ប:ឲ្យល្បីល្បាញ។ ហើយបំណងប្រថ្នាដំបូង គឺចង់ត្រឹមតែធ្វើជាម្ចាស់ហាងអ៊ុតសក់ និងសំអាងការប៉ុណ្ណោះពុំដែលនឹកស្មានខ្លួនឯងជាម្ចាស់ទ្រព្យនៃក្រុមហ៊ុនមហាយក្សធំបែបនេះទេ។ ចំណែកឯចំណូលចិត្តក្នុងពេលនោះ គឺត្រូវការចូលចិត្តមុខម្ហូបសម្លម្ជួរយួនប៉ុណ្ណោះពុំនឹកស្មានថាឥឡូវក្លាយប្រែចូលចិត្តម្ហូបពិសេសៗបរទេសណាខ្លះនោះទេ ។ បំណងប្រាថ្នា កាលនៅពីក្មេងក៏គ្មានមហិច្ឆតាថានិងបានស្វាមីជាអ្នកឧញ៉ាមានលុយវាល់លានដុល្លារបែបនេះឡើយ គឺប្រាថ្នាត្រឹមតែបុរសមានចរិតសុភាពស្លូតបូត មានចំណេះដឹងជ្រៅជ្រះនិង មានជីវភាពសមរម្យប៉ុណ្ណោះ ។

គួររំលឹកថា នៅក្នុងការឆ្លើយក្នុងបទសម្ភាសន៏ប្រាប់អ្នកសារព័ត៌មានកាលពីឆ្នាំ២០០០ កន្លងទៅនាងបានចូលក្នុងជីវិតសិល្ប:ដំបូងគឺនៅចុងឆ្នាំ១៩៩៨ ក្នុងនាមជាតារាចម្រៀងប៉ុណ្ណោះ ច្រៀងក្នុងភោជនីដ្ឋាន(កាដូ) ហើយការសម្តែងភាពយន្តវិញនាងពុំដែលសម្តែងឡើយ ។ ប៉ុន្តែក្រោយមកនាងបានចាប់ផ្តើមចាប់អារម្មណ៏នៅការសម្តែងភាពយន្តវិញ ហើយរឿងដំបូងគឺរឿង”នាងលាជ និងនាងលក្ខ័”ក្នុងខ្សែភាពយន្តដំបូងនេះនាងពុំមែនដើរតួរាយរងនោះទេ ថ្វីត្បិតតែជាការសម្តែងថ្មីដំបូងក្តី គឺនាងបានដើរតួឯក “តួនាងល័ក្ខ”។

គ្រាន់តែសម្តែងដំបូងភ្លាមនាងត្រូវបានអ្នកដឹកនាំរឿងលោកប្រាក់ ច័ន្ទ មុនី កោតសរសើរថា ឈុតដែលនាងសម្តែងគឺល្អខ្លាំងណាស់គឺដូចជាតួជើងចាស់មានបទពិសោធន៏យូរមកហើយ ។ ខ្សែភាពយន្តនេះត្រូវគេយកចាក់ផ្សាយក្នុងទស្សន៏អប្សរា។ នៅក្នុងការឈានចូលប្រឡូកក្នុងខ្សែភាពយន្តនេះ សិល្បការិនីស្រីតូច ចំណាន បានបំភ្លឺកាលនោះថានាងមានឳកាសចូលប្រឡូកក្នុងខ្សែភាពយន្ត បានដោយសារបងស្រីនាងនិងប្រពន្ធលោក ប្រាក់ ច័ន្ទមុនី ដែលជាអ្នកដឹកនាំការសម្តែងនេះ គឺជាមិត្តភក្តិនិងគ្នា ហើយគាត់ស្រលាញ់រាប់អាននាងខ្លាំងណាស់ដែរ ។

នាងបំភ្លឺថា ការពិតទៅមុនការសម្តែងរឿងនេះ គឺអ្នកដឹកនាំរឿងគាត់មកទាក់ទងនាងច្រើនលើកមកហើយដែរប៉ុន្តែនាងពុំព្រមព្រោះមិនទុកចិត្តលើសមត្ថភាពខ្លួនឯងចេះតែបដិសេធខ្លាចសម្តែងមិនកើតនាំខ្មាស់គេ ។ តែពេលសម្តែងទៅគឺល្អ អាចទទួលយកបាន ហើយចាប់ពីពេលនោះមកនាងចាប់ផ្តើមល្បីឈ្មោះមកត្រូវគេអញ្ជើញសម្តែងជាតួឯកភាពយន្តជាច្រើនទៀត ដូចតួក្នុងរឿងព្រះគោ ព្រះកែវ រឿងទុំទាវ និងតួឯកជាច្រើនទៀតរហូតនាងឈប់សម្តែងខណ:បាត់មុខពីសិល្ប:ហើយក៏លេចធ្លាយមកធ្វើជាជំទាវអ្នកឧកញ៉ា គិត ម៉េង រហូតដល់