នោះរឿងធំហើយ កំពូលតារាស្រីទាំង ៤ វិលមកជុំគ្នាម្តងទៀត ក្នុងខួបកំណើត ២៦ ឆ្នាំ របស់ ម៉ាហ្គី រ៉ាស៊ី

ភ្លេចបើកភ្លេចបើក តារាឯកស្រីប៉ុស្តិ៍លេខ ៣ ម៉ាហ្គី រ៉ាស៊ី (Margie Rasri) បានរៀបចំពិធីខួបកំណើតឆ្លងចូលវ័យ ២៦ ឆ្នាំ កាលពីម្សិលមិញ។
ការរៀបចំមុនថ្ងៃបែបនេះ គឺជាការចាត់ចែងដ៏ពិសេសពីក្រុមការងារ និង មិត្តភក្តិជិតស្និទ្ធរបស់នាង ដោយទាំងអស់គ្នាសម្រេចចិត្តរៀបចំ។
សម្រាប់ពិធីដ៏ពិសេសនេះ គឺប្រាកដជាមិនអាចខ្វះបានពីវត្តមានសង្សារលោក ប៉ក ដែលជាអ្នកលើកនំខួបកំណើត ដើម្បីផ្តល់ភាពភ្ញាក់ផ្អើលដល់មិត្តស្រី។ អ្វីដែលកាន់តែពិសេសជាងនេះទៅទៀត មិត្តភាពរវាងកំពូលតារាស្រីទាំង ៤ បានវិលមកជួបជុំគ្នាទាំងព្រមដោយក្នុងនោះមាន ម៉ាហ្គី រ៉ាស៊ី, យ៉ាយ៉ា ឧរ៉ាសសាយ៉ា (Yaya Urassaya), គីមប៊ឺលី អាន វូលតេម៉ាស (Kimberly Ann Voltemas) និង មីន ឆាលីដា (Mint Chalida)។
គួរបញ្ជាក់ផងដែរថា ចាប់តាំងពី មីន ឆាលីដា មានជម្លោះជាមួយលោក ម៉ាក ព្រីន ស៊ូផារ៉ាត (Mark Prin Suparat) ដែលជាសង្សាររបស់ គីមប៊ឺលី ធ្វើឱ្យ មីន ឆាលីដា ហាក់ព្យាយាមផ្តាច់ខ្លួនពីមិត្តភក្តិទាំងឡាយ តែនាងគឺនៅតែរាប់អានជាមួយ ម៉ាហ្គី រ៉ាស៊ី តែប៉ុណ្ណោះ។
អាចនិយាយបានថា មីន ឆាលីដា មានបំណងផ្តល់កិត្តិយសដល់ ម៉ាហ្គី រ៉ាស៊ី និង ចង់រក្សាមិត្តភាព ដូចនេះទោះជាមកជួបក្នុងភាពទើសទាស់ ក៏ មីន ឆាលីដា នៅតែចូលរួម។ ទោះជាយ៉ាងនេះក្តី មិត្តអ្នកគាំទ្រនៅតែសង្ឃឹមថា មិនយូរមិនឆាប់មិត្តភាពពួកគេទាំង ៤ នឹងវិលមកដូចដើម ហើយសម្រាប់ពិធីខួបកំណើតលើកនេះ ក៏ជាការចាប់ផ្តើមឱ្យពួកគេត្រឡប់មកស្រុះស្រួលគ្នាជាថ្មីម្តងទៀត៕