ប្រើល្បិចហៅសង្សារណាត់ជួប មានអីចាប់រំលោភបូក នៅក្នុងចម្ការស្វាយ រហូតសន្លប់ស្តូកបាត់បង់ស្មារតី
ខេត្តកណ្ដាល ៖ នារីម្នាក់ត្រូវសង្សារ លួងលោមយកមករំលោភបូក រហូតដល់សន្លប់ ដោយក្នុងនោះ ៣នាក់ រំលោភបានសម្រេច ដោយសារខឹងនាង មានប្រុសស្នេហ៍ច្រើន តែត្រូវសមត្ថកិច្ច ស្ទាក់ចាប់ខ្លួន បានទាំង ៥នាក់ នៅចំណុចចំការស្វាយ ស្ថិតភូមិរកាលើ ឃុំខ្ពប ស្រុកស្អាង ខេត្តកណ្តាល។
សមត្ថកិច្ច បានឲ្យដឹងថា ជនរងគ្រោះឈ្មោះ ឡ.ច.ដ អាយុ ២២ឆ្នាំ មុខរបរ កម្មការីនី មានទីលំនៅ ភូមិកោះខែល ឃុំកោះខែល ស្រុកស្អាង ត្រូវបានបញ្ជូនទៅសង្គ្រោះ នៅមណ្ឌលសុខភាព ឃុំតាលន់ ស្រុកស្អាង។ ដោយឡែក ជនសង្ស័យមាន ៥នាក់ ត្រូវឃាត់ខ្លួន ១-ឈ្មោះ រ៉េត រដ្ឋា ហៅមោគ អាយុ ២០ឆ្នាំ ២- ឈ្មោះ សុភាព ឆ្លូញ អាយុ ១៨ឆ្នាំ ៣-ឈ្មោះ កែវ ឆ្លាត អាយុ ១៧ឆ្នាំ ៤- ឈ្មោះ យ៉ុង យុត អាយុ ១៧ឆ្នាំ និងទី៥- ឈ្មោះ ធី លាង អាយុ ១៦ឆ្នាំ ជនសង្ស័យទាំង ៥នាក់មានមុខរបរ កសិករ មានទីលំនៅភូមិរកាលើ ឃុំខ្ពប ស្រុកស្អាង ខេត្តកណ្តាល។
ក្នុងនោះ សមត្ថកិច្ច បានដកហូត ម៉ូតូចំនួន ២គ្រឿង ម៉ាកហុងដានិច ពណ៌ស គ្មានស្លាកលេខ និងមួយគ្រឿងទៀត ម៉ាកហុងដា គុបមូល ពណ៌ខៀវ ពាក់ស្លាកលេខ កណ្តាល 1O-9258 ស្រោមអនាម័យ មិនទាន់ប្រើចំនួនមួយ ជារបស់ឈ្មោះ ឆ្លូញ។ មុនពេលកើតហេតុ ឈ្មោះ រ៉េត រដ្ឋា បានទាក់ទងទូរស័ព្ទ ទៅស្ត្រីរងគ្រោះ ដែលចាសង្សារ ដើម្បីមករួមភេទ ហើយពេលនោះ ជនរងគ្រោះ បានដើរមកឆ្លងដរកោះខែល ឆ្ពោះទៅឃុំខ្ពប ដោយមានឈ្មោះ កែវ ឆ្លាត និងឈ្មោះ រ៉េត រដ្ឋា ចាំទទួល។ ពេលទៅដល់ត្រើយម្ខាង ឈ្មោះ ឆ្លាត ឈ្មោះ រដ្ឋា និងនារីរងគ្រោះ បានជិៈម៉ូតូម៉ាកនិច សំដៅចូលសាលា អនុវិទ្យាល័យខ្ពប។
ប៉ុន្តែដោយមានភ្លើងពិល គេចុចឆ្វេកឆ្វាចពេក ក៏នាំគ្នាជិៈម៉ូតូឌុបគ្នា ចេញសំដៅទៅចំការស្វាយ ស្ថិតនៅខាងត្បូងព្រែកវត្តខ្ពប ទៅទិសខាងកើត ចម្ងាយប្រហែល ៥០០ម៉ែត្រ ពីផ្លូវលេខ១១០ ហើយចំណែកឈ្មោះ សុភាព ឆ្លូញ ជិះម៉ូតូគុបមូល ឌុបឈ្មោះ យ៉ុង យុត និងឈ្មោះ ធី លាង តាមពីក្រោយ។ ពេលទៅដល់កន្លែងស្ងាត់ ឈ្មោះ រ៉េត រដ្ឋា បានរំលោភសង្សារ របស់ខ្លួនមុនគេ បន្ទាប់មកឈ្មោះ កែវ ឆ្លាត ចូលទៅរំលោភបន្ត។លុះដល់វេនឈ្មោះ សុភាព ឆ្លូញ កំពុងរំលោភ ស្រាប់តែជនរងគ្រោះ បានសន្លប់ ហើយឈ្មោះ ឆ្លូញ ក៏បញ្ឈប់សកម្មភាពតែម្តង ហើយក្នុងការរំលោភនោះ ពួកគេបានប្រើ ស្រោមអនាម័យ ទាំងអស់គ្នា។
ចំណែកឈ្មោះ ធី លាង និងឈ្មោះ យ៉ុង យុត នៅចាំម៉ូតូ មិនបានរំលោភទេ ព្រោះតែសភាពការណ៍ មិនអំណោយផល ។ បន្ទាប់ពីឃើញ នារីរងគ្រោះសន្លប់ ក្រុមជនល្មើស បានដឹកនារីរងគ្រោះ ក្នុងគោលបំណងយកទៅ សង្គ្រោះនៅមន្ទីរពេទ្យ ខណៈនោះក៏បានជួប ជាមួយកម្លាំងនគរបាល ស្រុកស្អាង ចេញល្បាតតាមដងផ្លូវ ក៏បានហៅធ្វើការសាកសួរ រហូតឈានដល់ឃាត់ខ្លួន ជនល្មើសទាំង ៥នាក់ បញ្ជូនទៅកាន់អធិការដ្ឋាន នគរបាលស្រុក ដើម្បីធ្វើការសាកសួរ និងកសាងសំណុំរឿង ចាត់ការតាមនីតិវិធី ៕
Post a Comment