ហាម​ថើប​ទារកអាយុក្រោម ៣ខែដាច់​ខាត ព្រោះ​អាច​អោយ​ពួកគេ​ស្លាប់

តើ​អ្នកដឹងទេ មេរោគ (HsV-1) អាច​ត្រូវបាន​បញ្ចូន​ទៅទារក​ដែល​ទើប​នឹងកើត​បាន​យ៉ាង​
ងាយ ដោយ​គ្រាន់តែ​ជាការ​ថើប​ធម្មតា​ប៉ុណ្ណោះ។ អ្នកមិនត្រូវអនុវញ្ញាតឱ្យ​នរណា​ម្នាក់​ថើប​
បបូរមាត់​កូន​របស់​អ្នក​ឡើយ ព្រោះ​ទារក​អាច​មាន​ហានិភ័យ​នៃការឆ្លង​មេរោគ ​HsV-1 រហូត​
ដល់​ស្លាប់។ នេះគឺជា​ជំងឺ​មួយ​ប្រភេទ ដែលត្រូវ​បាន​​គេហៅថា Herpes Simplex Virus
(HsV-1)​ ហើយ​វា​អាច​មាន​សមត្ថភាព​ធ្វើឱ្យ​ទារក​ស្លាប់​បាន ជា​ពិសេស​ប្រសិន​បើកូន​
របស់​អ្នកមាន​អាយុ​ក្រោម ​៣ខែ។ សាលក​វិទ្យាល័យ Maryland's Medical Center បាន​
បង្ហាញថា ភាគរយ​នៃជនជាតិ​អាមេរិក​ត្រូវបាន​ឆ្លង​ជំងឺនេះ ៩០%។

មេរោគនេះ​មាន​ប្រភពមក​ពី​ Herpes Simplex Virus ប្រភេទី ១ ហើយ​ភាគច្រើន​ត្រូវបាន​
បញ្ចូន​ទៅ​កុមារ​តាមរយៈ​កែវទឹក, ការ​ថើបមាត់, ប្រដាប់​ក្មេងលេង...។ ខណៈ​ពេល​ដែល​
ជំងឺនេះ​ឆ្លង​ភ្លាមៗ​មិន​មាន​គ្រោះថ្នាក់​នោះទេ ប៉ុន្តែ​ទារក​អាច​នឹងស្លាប់​ប្រសិនបើ​មេរោគ​
រីករាល​ដាលទៅ​ផ្នែក​ផ្សេងៗ​ទៀត​នៃរាងកាយ។

បើ​យោងតាម​មជ្ឈមណ្ឌល​ Baby Center បាន​បង្ហាញថា Herpes simplex Virus អាច​
រីករាល​ដាល​ទៅ​កាន់​ខួរក្បាល និង​សរីរាង្គ​ផ្សេង​ទៀត​ បណ្តោល​ឱ្យមាន​ការឈឺ​ចាប់​ធ្ងន់ធ្ងរ​
សម្រាប់​ទារក។ សំខាន់​បំផុត​អ្នក​ត្រូវការ​ពារ​ទារក​ឱ្យបាន​ល្អ ដោយ​មិន​អនុញ្ញាត​ឱ្យអ្នក​ណា
​ថើប​បបូរមាត់ ឬឱ្យ​គេកាន់​របស់​ក្មេង​លេង​ឡើយ​ក្នុង​កំឡុង​ពេល​ ៣ខែ​ដំបូង។

សូមបញ្ជាក់ផងដែរថា ទារក​ក្រោម​អាយុ ១ខែ​នៅ សហរដ្ឋ​អាមេរិក ប្រមាណ​ជា ១៥០០ ទៅ ២២០០
នាក់ ត្រូវបាន​ឆ្លង​ជំងឺនេះ​ជារៀង​រាល់ឆ្នាំ ហើយ​មាន​អាការៈ​ធ្ងន់ធ្ងរ​មាន​រហូត​ដល់ ៨៥%
ដែល​ត្រូវការ​ព្យាបាល​យ៉ាង​យក​ចិត្ត​ទុកដាក់។ ភាគ​ច្រើន​នៃទារក​កើត​ជំងឺ herpes
simplex Virus ដែល​ត្រូវបាន​បង្កឡើង​ដោយ​មេរោគ HsV-2 ប៉ុន្តែ​ប្រហែល​ជា ៣០% ត្រូវបាន
​បង្កឡើង​ដោយ HsV-1៕