បុរសជនជាតិចិនសហការជាមួយបុរសជនជាតិខ្មែរចាប់នារីម្នាក់រំលោភសេពសន្ថវៈនៅក្នុងបន្ទប់ស្នាក់នៅក្នុងរោងចក្រកាត់ដេរ ស្ថិតក្នុងភូមិលេខ ៣ ឃុំ ស្វាយរលំ ស្រុកស្អាង ខេត្តកណ្តាល ។ ក្រោយពីកើតហេតុនារីរងគ្រោះជាជនជាតិខ្មែរបានទៅដាក់ពាក្យបណ្តឹងនៅសមត្ថកិច្ចនគរបាល ទើបឈានទៅធ្វើការស្រាវជ្រាវចាប់ខ្លួនជនសង្ស័យទាំង ២ នាក់ នៅវេលាល្ងាចថ្ងៃទី២១ ខែមីនា ឆ្នាំ២០១៦ តាមបញ្ជារបស់លោក ឯក ស៊ុនរស្មី ព្រះរាជអាជ្ញារងអមសាលាដំបូងខេត្តកណ្តាល ។

នគរបាលស្រុកស្អាងបានឲ្យដឹងថា ជនសង្ស័យទាំង ២ នាក់ នោះទី១-ឈ្មោះ សៀ ស៊ីវចាន ភេទប្រុស អាយុ ៣៧ ឆ្នាំ ជនជាតិចិន មុខរបរជា ប្រធានសន្តិសុខនៅរោងចក្រ ម៉េងយ៉ាន់ បច្ចុប្បន្នស្នាក់នៅក្នុងទីតាំងរោងចក្រ ។ ទី២-ឈ្មោះ យូ សុភក្រ័ ភេទប្រុស អាយុ ៣៧ ឆ្នាំ ជនជាតិខ្មែរ មុខរបរជា ប្រធានសន្តិសុខរោងចក្រម៉េងយ៉ាន់ មានទីលំនៅ ភូមិទឹកថ្លា សង្កាត់ទឹកថ្លា ខណ្ឌពោធិសែនជ័យ រាជធានីភ្នំពេញ បច្ចុប្បន្នស្នាក់នៅក្នុងទីតាំងរោងចក្រ ។ចំណែកឯនារីរងគ្រោះឈ្មោះ ព ល.ដ អាយុ ១៩ ឆ្នាំ មុខរបរជា សន្តិសុខ BPD បច្ចុប្បន្នស្នាក់នៅបន្ទប់ផ្ទះជួលក្នុងភូមិលេខ ៣ ឃុំស្វាយរលំ ស្រុកស្អាង ខេត្តកណ្តាល ។

លោកវរសេនីយ៍ទោ សេង សុជាតិ អធិការនគរបាលស្រុកស្អាងបានឲ្យដឹងថា នៅវេ លាម៉ោង ១ រសៀល ថ្ងៃទី២០ ខែមីនា ឆ្នាំ២០១៦ ជនសង្ស័យឈ្មោះ យូ សុភ័ក្រ បានដើរ ទៅហៅនារីរងគ្រោះ ដែលកំពុងធ្វើការងារនៅក្នុងរោងចក្រឲ្យទៅជួបជាមួយជនសង្ស័យឈ្មោះ សៀ ស៊ីវចាន នៅក្នុងការិយាល័យ ។ ពេលទៅដល់ជនសង្ស័យឈ្មោះ យូ សុភ័ក្រ បាននិយាយបកប្រែឲ្យជនសង្ស័យឈ្មោះ សៀ ស៊ីវចាន ប្រាប់ទៅនារីរងគ្រោះថា ចិនស្រឡាញ់ និង សុំដេកជាមួយរយៈពេលមួយយប់ ពេលឮដូច្នេះនារីរងគ្រោះមិនបានយល់ព្រមទេ ។

ក្រោយមកទើបឈ្មោះ យូ សុភ័ក្រ និយាយបកប្រែ ពីបុរសជនជាតិចិន ដោយបបួលនារីរងគ្រោះទៅដើរលេងនៅក្នុងក្លិប នារីរងគ្រោះនៅតែមិនព្រម ។ ជនសង្ស័យឈ្មោះ យូ សុភ័ក្រ ក៏បាននិយាយបកប្រែពីបុរសជនជាតិចិនរូបនោះ ប្រាប់ទៅនាងទៀតថា គេធំ បើយើងធ្វើប្រពន្ធគេយើងធំជាងគេ ។ និយាយចប់ជនសង្ស័យឈ្មោះ យូ សុភ័ក្រ បានចាប់នារីរងគ្រោះថើបរួចដើរចេញពីការិយាល័យបាត់ទៅ ។ ពេលជនសង្ស័យឈ្មោះ យូ សុភ័ក្រ ដើរចេញទៅបាត់ ជនសង្ស័យឈ្មោះ សៀ ស៊ីវចាន ដែលជាជនជាតិចិនបានចាប់ច្របាច់.កនារីរងគ្រោះ អូសចូលទៅក្នុងបន្ទប់ផ្ទាល់ខ្លួន រុញផ្តួលទៅលើគ្រែ ធ្វើសកម្មភាពរំលោភ រហូតបានសម្រេច ។

បន្ទាប់មកជនសង្ស័យបានធ្វើកាយវិការគំរាមអារ.កនារីរងគ្រោះ រួចបន្តយកដៃរបស់ខ្លួនទៅអង្អែលលេងប្រដាប់ភេទនារីរងគ្រោះរយៈពេល ៣ ទៅ ៤ ម៉ោង ទើបអនុញ្ញាតិឲ្យនារីរងគ្រោះចេញពីបន្ទប់ ។ ក្រោយមកនារីរងគ្រោះបានសម្រេចចិត្តដាក់ពាក្យបណ្តឹងនៅសមត្ថកិច្ចនគរបាលស្រុក ហើយសមត្ថកិច្ចនគរបាលស្រុកស្អាងបានសហការជាមួយនគរបាលព្រហ្មទណ្ឌកម្រិតធ្ងន់ខេត្ត ចុះធ្វើការស្រាវជ្រាវនាំខ្លួនជនសង្ស័យទាំង ២ នាក់ យកមកសាក សួរ នៅអធិការដ្ឋាននគរបាលស្រុកនៅវេលារសៀលថ្ងៃទី២១ ខែមីនា ឆ្នាំ២០១៦ រហូត ដល់វេលាល្ងាច ទើបលោក ឯក ស៊ុនរស្មី ព្រះរាជអាជ្ញារងអមសាលាដំបូងខេត្តកណ្តាល បញ្ជាឲ្យឃាត់ខ្លួនជនសង្ស័យទាំង ២ នាក់ តែម្តង៕\