គ្រាន់តែសា្គល់គ្នាតាមរថយន្តក្រុង បបួលគ្នាឡើងផ្ទះសំណាក់ ខាងប្រុសធ្វើអីរួចហើយចង់គេចខ្លួន ត្រូវខាងស្រីរត់ដេញចាប់....
ការភ្ញាក់ផ្អើលនេះ កើតឡើងកាលពីវេលាម៉ោង១០ និង៤៥នាទីយប់ថ្ងៃទី៣០ កញ្ញា នៅចំណុចផ្ទះសំណាក់ «បៃតងទួលសង្កែ»ស្ថិតក្នុងភូមិចុងខ្សាច់ សង្កាត់ទួលសង្កែ ខណ្ឌឫស្សីកែវ ។
តាមប្រភពពីបុរសដែលត្រូវស្រ្តីម្នាក់ចោទថា ស៊ីនំហើយប្រុងដោះដៃបានឲ្យដឹងថា រូបគេបានស្គាល់ស្រ្តីនោះបានមួយថ្ងៃតាមរយៈជិះរថយន្តក្រុងរបស់រដ្ឋជាមួយគ្នា ហើយរូបគេបាននាំមកដេកនៅផ្ទះសំណាក់ខាងលើតែម្តង។
រូបគេបានទៅទិញស្រាបៀរ រួចផឹកសីុស្រវឹងមិត្តភក្ក័ ពួកគេទៅផ្ទះអស់។ ក្រោយពីមិត្តភ័ក្តិរបស់គេចេញទៅបាត់ រូបគេក៏បានសុំនាងរួមរ័កបានម្តង ហើយនាងរវល់តែចូលបន្ទប់ទឹកលាងខ្លួនប្រាណ ឃើញឳកាសល្អរូបគេបានស្លៀកពាក់ខោអាវរត់ចេញក្រៅផ្ទះសំណាក់ បំរ៉ុងរត់គេចខ្លួន តែត្រូវនាងដឹងទាន់រត់ចេញពីបន្ទប់ទឹកទាំងស្លៀកបានតែខោលីអូនិងពាក់អាវយឺតដៃខ្លីរត់ចេញមកក្រៅ ដេញចាប់ពេញមុខផ្ទះសំណាក់បង្កឲ្យមានការភ្ញាក់ផ្អើលដល់ម្ចាស់ផ្ទះសំណាក់ ជួយចាប់រូបគាត់បានភ្លាមៗ ។ ខណៈសមត្ថកិច្ចមកដល់ គឺស្ត្រីរូបនេះបានយំឡាំប៉ាទាមទារដោយឲ្យបុរសខាងលើទទួលខុសត្រូវ ដែលបានលួងលោមរូបនាងយកមករួមរ័កនៅផ្ទះសំណាក់ ហើយត្រូវតែចុះសំបុត្រអាពាហ៍ពិពាហ៍ជាមួយនាង និងជាសក្ខីភាពត្រូវធ្វើកិច្ចសន្យានៅយប់នេះសិន រង់ចាំព្រឹកឡើងទើបទៅចុះសំបុត្រអាពាហ៍ពិពាហ៍ ។
ដោយសារតែស្ត្រីខាងលើយំឡាំប៉ាខ្លាំងពេកបុរសរូបនោះបានសន្យាថានឹងទទួលខុសត្រូវលើទង្វើរបស់ខ្លួន ដែលរូបគេបានធ្វើទៅលើរូបនាង ទើបរូបនាងយល់ព្រមចូលទៅដេកក្នុងផ្ទះសំណាក់ជាមួយបុរសនោះវិញទាំង២នាក់ រង់ចាំស្អែកឡើងដោះស្រាយគ្នាម្តងទៀត ។
Post a Comment