រដ្ឋមន្ត្រីពីររូបមានប្រត្តិកម្មខ្លាំងចំពោះ! ព្រះសង្ឃរាជវត្ត វាយកម្ទេច វត្តឥន្ទ្រីសំវរៈហៅវត្តកំពង់ធំ បេតភណ្ឌជាតិ ចោលទាំងយប់ អាចនឹងត្រូវផ្តន្ទាទោសជាទម្ងន់

បើយោងតាមគណនីហ្វេសប៊ុកផ្លូវការរបស់ ឯកឧត្តម លោក ខៀវ កញ្ញារិទ្ទិ រដ្ឋមន្ត្រីក្រសួងព៌ត័មាន បានបង្ហោះសារ បានសរសេររៀបរាប់ថា៖ វត្តឥន្ទ្រីសំវរៈហៅវត្តកំពង់ធំ ត្រូវបានសាងសង់នៅឆ្នាំ ១៦៣៣ ឯព្រះវិហារសាងសង់ឆ្នាំ ១៩៤៨ ហើយដាក់ជាបេតភណ្ឌជាតិនៅឆ្នាំ ២០០៧ ។ វិហារនេះមានរូបគំនូរបុរាណជាច្រើន ។ ​តែពេលនេះ ព្រះសង្ឃរាជវត្ត បានសំរេចអោយ​វាយចោលឥតស្តាយច្រណោះ។

ស្របគ្នានេះ លោក ជំទាវ ភឿង សក្ខណា រដ្ឋមន្ត្រីក្រសួងវប្បធម៍ និងវិចិត្រសិល្បះ បាន Comment​​ ផងដែរថា៖ មន្ត្រីជំនាញទៅហាមឃាត់ពេលល្ងាច លោកថាអាត្មាដឹងហើយ ស្អែកឡើងទៅដល់ រាបដល់ដី លោកប្រឹងសម្រុកវាយចោលទាំងយប់ ។ មិនយល់ ត្រង់ថាអ្នកដែលគួរជាអ្នកថែរក្សា បែរទៅជាប្រឹងបំផ្លាញទៅវិញ ។ តើបានចំណេញអ្វី ពីការបំផ្លាញបេតិកភណ្ឌជាតិនេះ ក្រៅពីការឈឺចាប់សម្រាប់វប្បធម៌ខ្លួន?

ចំនែកគណនីហ្វេសប៊ុកឈ្មោះ Deng Sambath ក៏បានចូលរួម Comment បន្ថែមដែរថា៖

គួរឲ្យសោកស្តាយណាស់ ដែលបេតិភណ្ឌជាតិមួយដ៏មានតម្លៃ ត្រូវបានបំផ្លាញ ក្នុងពេលដែលប្រទេសជាតិមានសុខសន្តិភាពហើយ។ តើនេះមកពីភាពល្ងិតល្ងង់ ឬមកពីអ្វី? ឬមកពីយល់ថា ខ្លួនជាសង្ឈ ចង់ធ្វើអ្វីស្រេចតែអពើចិត្តក្នុងវត្ត ? គួរតែស្វែងយល់ពីច្បាប់ទំលាប់ខ្លះផង។ និងគួរតែមានវិធានការផ្លូវច្បាប់ដែរ។

រដ្ឋធម្មនុញ្ញ មាត្រា៦៩ ………….។ រដ្ឋមានកាតព្វកិច្ចថែរក្សា និងការពារប្រាសាទបុរាណ សិល្បៈបុរាណ និងកែលម្អរមណីយដ្ឋានប្រវត្តិសាស្រ្តឡើងវិញ។ មាត្រា៧០ បទល្មើសទាំងឡាយណា ដែលប៉ះពាល់ ឬទាក់ទងនឹងបេតិកភណ្ឌវប្បធម៌ និងបេតិកភណ្ឌសិល្បៈត្រូវផ្តន្ទាទោសជាទម្ងន់។ ច្បាប់ភូមិបាល មាត្រា១៥ បេតិកណ្ឌបុរាណវិទ្យា វប្បធម៌ និងប្រវត្តិសាស្រ្ត ត្រូវបានរាប់ចូលក្នុងសម្បត្តិសាធារណៈរបស់រដ្ឋ និងនីតិបុគ្គលសាធារណៈ។