ក្តៅៗ ឱកាសល្អពិសេសមកដល់ហើយសំរាប់អ្នកចង់ចូលបម្រើជាតិយើង...ស៊ែចែកគ្នាដឹងផង!!

ពេលថ្មីៗនេះក្រសួងការពារជាតិ បានប្រកាសប្រឡងជ្រើសរើសបេក្ខជន ដែលស្ម័គ្រចិត្តចូលបម្រើការងារក្នុងក្របខ័ណ្ឌនៃកងយោធពលខេមរភូមិន្ទ ក្នុងវគ្គនាយទាហានសកម្មជំនាន់ទី២២ នាយទាហានទ័ពជើងគោកជំនាន់ទី១០ នាយទាហានបន្តវេនជំនាន់ទី១១ និងនាយទាហានជំនាញបច្ចេកទេសយោធា ជាច្រើនរូប។ ដូចនេះ អ្នកមានចំណាប់អារម្មណ៍ អាចចុះឈ្មោះប្រឡងចាប់ពីថ្ងៃនេះ រហូតដល់ថ្ងៃ ២២ ខែវិច្ឆិកា។

ចំពោះលក្ខខណ្ឌគឺ៖
១. សញ្ជាតិខ្មែរ
២. មានអាយុចាប់ពី ១៨ឆ្នាំ ដល់ ២៥ឆ្នាំ គិតត្រឹមថ្ងៃដាក់ពាក្យសុំចុះឈ្មោះប្រឡង
៣. មានកាយសម្បទាគ្រប់គ្រាន់តាមតម្រូវការ ដើម្បីបំពេញមុខងារ
៤. មិនធ្លាប់ត្រូវបានតុលាការផ្តន្ទាទោស
៥. មានសញ្ញាបត្រមធ្យមសិក្សាទុតិយភូមិឡើងទៅ
៦. បុរសមានកម្ពស់ ១,៦០ម៉ែត្រ និងនារីមានកម្ពស់ ១,៥០ម៉ែត្រឡើងទៅ
៧. មានលិខិតបញ្ជាក់កិរិយាមាយាទពីមូលដ្ឋាន ឃុំ ឬសង្កាត់