មួយទៀតហើយ ពិតជាសាហាវណាស់! ចាប់ក្មេងស្រី អូសដៃចូលម្ដុំព្រៃកប់ខ្មោច....

ខេត្តរតនគិរី៖ យុវតីជនជាតិគ្រឹងម្នាក់ ជិះម៉ូតូតាមផ្លូវ ក៏ត្រូវជនពាលស្ទាក់ចាប់ ប៉ុនប៉ងរំលោភ តែសំណាងល្អ បានរួចផុតពីក្រញាំបិសាចតណ្ហា បង្កឲ្យភ្ញាក់ផ្អើលឡើង កាលពីវេលាម៉ោង៧ និង១០នាទី​យប់ ថ្ងៃទី៤ ខែសីហា ឆ្នាំ​២០​១៧ នៅម្ដុំព្រៃកប់ខ្មោច ស្ថិតក្នុងភូមិ៣ សង្កាត់កាចាញ ក្រុងបានលុង ខេត្តរតនគិរី។

មន្ត្រីប៉ុស្តិ៍នគរបាលរដ្ឋបាលកាចាញ បានឲ្យដឹងថា កុមារីរងគ្រោះ ឈ្មោះ យ៉ន ផារី​ អាយុ១៥ឆ្នាំ ជន​ជាតិគ្រឹង មុខ​របរជាសិស្ស មានលំនៅក្នុងភូមិចាអ៊ុង ឃុំចាអ៊ុង ស្រុកអូរជុំ។ រីឯជនសង័្សយ គឺសមត្ថ​កិច្ចមិនទាន់ស្គាល់អត្តសញ្ញាណ​នៅឡើយ ហើយក៏កំពុងតែស្វែងរកចាប់ខ្លួន។

មន្ត្រីនគរបាលដដែល បានបន្តថា មុនពេលកើតហេតុ កុមារីរងគ្រោះបានជិះម៉ូតូ ម៉ាកZ00MER.X តែម្នាក់ឯងចេញ​​ពី​​សាលា ដើម្បីត្រឡប់ទៅផ្ទះវិញ។ លុះពេលនាងធ្វើដំណើរមកដល់កន្លែងកើតហេតុ ស្រាប់​តែ​លេច​មុខ​ជនសង្ស័យម្នាក់ជិះម៉ូតូដេញ​តាម​នាងពីក្រោយ រួចហើយកៀរម៉ូតូរបស់នាងឲ្យដួល ហើយចាប់អូសដៃនាងចូលព្រៃក្បែរនោះ ក្នុងបំណងនាំទៅរំលោភ។ ស្ថិតក្នុងសភាពប្រកបដោយគ្រោះថ្នាក់​បែបនេះ កុមារីរងគ្រោះបានខំប្រឹងរើបម្រះ នាំឲ្យមានការរប្រតាយប្រតប់គ្នា ធ្វើឲ្យជនសង័្សយមើល​ឃើញស្ថានភាពមិនស្រួល ក៏រត់ឡើងម៉ូតូជិះគេចខ្លួនបាត់ស្រមោល។

ក្រោយពេលកើត ដោយសារកុមារីរងគ្រោះមានការភិតភ័យខ្លាំងពេក ទើបក្រុមគ្រួសារបញ្ជូនទៅមន្ទីរពេទ្យបង្អែកខេត្តរតនគិរី។ បច្ចុប្បន្នសមត្ថកិច្ចនគរបាលជំនាញ កំពុងស្រាវជ្រាវ ដើម្បីតាមចាប់ខ្លួន​ជនសង្ស័យ នាំមកផ្តន្ទាទោសតាមច្បាប់៕ សហការី KBN

ប្រភព៖ http://www.lptkhmer.com/2017/08/05/%E1%9E%9F%E1%9E%B6%E1%9E%A0%E1%9E%B6%E1%9E%9C%E1%9E%8E%E1%9E%B6%E1%9E%9F%E1%9F%8B-%E1%9E%96%E1%9F%92%E1%9E%9A%E1%9F%84%E1%9F%87%E1%9E%8F%E1%9F%82%E1%9E%80%E1%9E%B6%E1%9E%98%E1%9E%8F%E1%9E%8E%E1%9F%92/