ឡានទំនើបចុងក្រោយតម្លៃត្រឹមតែ ២៥០០ ដុល្លារ ស៊ីសាំង ១០០គ.ម/៥ លីត្រ គ្រោងផលិត ១០ លានគ្រឿង
មានឡានរាប់រយដែលគេកំពុងតែធ្វើឲ្យមានការចាប់អារម្មណ៍ ហើយក៏កំពុងតែប្រលងប្រណាំងនៅក្នុងប្រទេសឥណ្ឌា ជាពិសេសគេបានខិតខំកែច្នៃទាំងបច្ចេកទេស និងរូបរាងធ្វើយ៉ាងណាដើម្បីឲ្យមានភាពទាក់ទាញដល់មនុស្ស មិនតែប៉ុណ្ណោះក៏មានគំរោងនឹងនាំចេញទៅក្រៅប្រទេសផងដែរ។ ហើយអ្វីៗគឺប្រទេសឥណ្ឌាអាចធ្វើបាន គឺឡានតូចទាំងនោះ គឺត្រូវបានបង្កើតឡើងដោយក្រុមហ៊ុន តាតាម៉ូកូ ដែលកំពុងតែធ្វើឲ្យពិភពលោកចាប់អារម្មណ៍យ៉ាងខ្លាំងនូវអ្វីដែលគេបានបង្ហាញនោះ។
ក្រុមហ៊ុន តាតា នៅប្រទេសឥណ្ឌា បានប្រកាសថា ឡានដែលថោកជាងគេបំផុតនៅលើពិភពលោកនេះ គឺឡាន ម៉ាក ណានូ។ វាគឺជាឡានតូចដែលត្រូវបានគេរំពឹងថា នឹងវាយលុកនៅលើទីផ្សារ តែតម្លៃ១សែនរ៉ូពី (២៥០០ដុលា្លរ) ដោយមានការបង់ពន្ធរួចរាល់ហើយ ហើយគេក៏រំពឹងថា គេនឹងបង្កើតរថយន្ដមួយនេះបន្ថែមទៀតរហូតដល់ ១០លានគ្រឿង ដើម្បីធ្វើឲ្យទីផ្សារឥណ្ឌាកាន់តែខ្លាំងឡើង។
ឡានម៉ាកណានូ នេះវាមានរូបរាងតូចដែលមានកន្លែងអង្គុយសំរាប់មនុស្ស៥នាក់ ដែលមានទំហំ៣៣ bhp និងមានកម្លាំងម៉ាស៊ីន៦២៤ cc ដែលស្ថិតនៅផ្នែកខាងក្រោយរថយន្ដ ហើយរថយន្ដនេះគឺគេបានបង្កើតឡើង ហើយសង្ឃឹមថា នឹងមានការគាំទ្រច្រើនពីប្រជាជនឥណ្ឌា ។ ល្បឿនជាមធ្យមនោះគឺ ៦០គម ក្នុងមួយម៉ោង តែទោះបីជាយ៉ាងណាក៏ដោយ ល្បឿនកំរិតនេះ គឺនៅយឺតបន្ដិច តែវាតូច ហើយងាយស្រួលសំរាប់ធ្វើចលនាបំលាស់ទីសមស្របនឹងចរាចរនៅក្នុងប្រទេសឥណ្ឌា។ នេះគឺជាម៉ូដដំបូងបំផុត តែម៉ូដនេះវានៅមានការខ្វះខាតនៅឡើយ ដូចជាវាគ្មានម៉ាស៊ីនត្រជាក់ គ្មានបិទបើកបង្អួចដោយអេឡិចត្រូនិច ឬក៏គ្មានថាមពលសំរួលដល់ការកាច់ចង្កូតដែរ ។
ក្រៅពីឧបករណ៍ទាំងនេះចេញនោះ គឺរថយន្ដទាំងនេះ មានអ្វីៗផ្សេងទៀតដូចជារថយន្ដដទៃទៀតដែរ ហើយវាក៏មានឧបករណ៍ការពារសុវត្ថិភាពដែរ ។ វាមានបណ្ដោយប្រវែង១០ហ្វីត ហើយមានទទឹងជិត៥ហ្វីត និងមានកំពស់ជាង៥ហ្វីត ។ រថយន្ដនេះតូចជាងរថយន្ដធម្មតា២០% និងថោកជាងបំផុតនៅក្នុងចំណោមរថយន្ដដែលដាក់ចេញលក់នៅក្នុងប្រទេសឥណ្ឌាដូចជារថយន្ដម៉ាក “Maruti Suzuki 800”។ រថយន្ដនេះបានធ្វើមកពីលោហៈធាតុ មិនមែនជាប្លាស្ទីក ហើយអ្វីដែលកាន់តែរំភើបពីព័ត៌មានឡានថោកនេះ គឺយានយន្ដនេះ គឺវាស៊ីសាំងតែ៥លីត្រកក្នុងចំងាយ១០០គ.ម ដូចជាម៉ូតូផងដែរ។
គម្រោងរបស់ក្រុមហ៊ុន តាតា គឺត្រូវលក់ឲ្យបាន២សែនគ្រឿងក្នុងមួយឆ្នាំ គឺចាប់ពីឆ្នាំក្រោយនេះនៅក្នុងប្រទេសឥណ្ឌាតែមួយគត់ ហើយក្រុមហ៊ុនមិនទាន់មានគំរោងក្នុងការនាំចេញទៅលក់នៅក្រៅប្រទេសទេ រហូតដល់ឆ្នាំ២០១១ ទើបមានគម្រោងវាយលុកលើទីផ្សារអន្ដរជាតិតែម្ដង។ តែទោះបីជាយ៉ាងណាក៏ដោយ ការធ្វើរថយន្ដនេះ ក៏ធ្វើឲ្យមានការរិះគន់ខ្លះផងដែរ គឺលោកប៉ាចាច គឺជាអ្នកល្បីនៅក្នុងផលិតទោចក្រយានយន្ដតាក់ស៊ីកង់៣នៅក្នុងប្រទេសឥណ្ឌា បាននិយាយចំពោះគម្រោងផលិតរថយន្ដនេះដែរថា ក្រុមហ៊ុន តាតា អាចវាយលុកនៅលើទីផ្សារនេះបានយ៉ាងច្រើនពីរឆ្នាំប៉ុណ្ណោះ ព្រោះប្រសិនបើក្រុមហ៊ុននេះអាចធ្វើបាននោះ ក្រុមហ៊ុនផ្សេងទៀតក៏អាចធ្វើបានដែរ ហើយក៏មានតម្លៃទាបដូចគ្នា ហើយអាចមានម៉ូដល្អជាងនេះ និងអាចមានការវាយលុកនៅលើទីផ្សារបាន៕
ប្រភព៖ ខ្មែរអប្សរា
Post a Comment